លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប បានដឹកនាំក្រុមកាងារចូលរួម ការពារសន្តិសុខ សុវត្ថិភាព រក្សាសណ្តាប់ធ្នាប់ នៅក្នុងមូលដ្ឋាន ដើម្បីជួយសម្រួលដល់ ប្រជាពលរដ្ឋ ដែលស្នាក់នៅ
ក្នុងនោះផងដែរក៏និង បានសហការជាមួយក្រុម គ្រូពេទ្យធ្មេញ គីម សាន
អញ្ជើញចូលរួមក្នុងកម្មវិធីអប់រំ ផ្សព្វផ្សាយផ្នែកសុខភាព និងពិនិត្យសុខភាពមាត់ធ្មេញជូនសិស្សានុសិស្ស នៃសាលាបឋមសិក្សាកំពង់ភ្លុក ដើម្បីឲ្យពួកគាត់ចេះរក្សាអនាម័យនៅផ្នែកមាត់ធ្មេញ ថ្នាំពេទ្យដែលត្រូវយកមករក្សាការពារមាត់ធ្មេញនោះមានឈ្មោះថា
ថ្នាំផ្លូហរ៉ាយ និងថ្នាំបិទការពារចង្អូរធ្មេញកុំឱ្យពុក
ក្រោយពីជួបសំណេះសំណាលនិងពិនិត្យសុខភាពជូនលោកគ្រូអ្នកគ្រូនិងសិស្សានុសិស្សទាំងអស់ហើយនេះ លោកឧត្តមសេនីយ៍ត្រីសៀ ទីន មេបញ្ជាការកងរាជអាវុធហត្ថខេត្តសៀមរាបនិងសហការី បានផ្ដល់ជា សម្ភារៈបរិក្ខា សៀវភៅពុំសៀវភៅ សរសេរ ប៊ិច ខ្មៅដៃបន្ទាត់ ។ចែកជូនដល់សិក្សានុសិស្ស និងប្អូនៗដែលកំពុងសិក្សានៅក្នុងសាលាដើម្បីកាត់បន្ថយ ការខ្វះខាតមួយចំនួនរបស់សិស្ស។
ជាចុងក្រោយលោកមេបញ្ជាការក៏បានពាំនាំនិងផ្សារជូនពរដល់កុមារាកុមារីដែលជាសិក្សានុសិស្សខិតខំប្រឹងប្រែងរៀនសូត្រដើម្បីយកចំណេះដឹង បន្តទៅថ្ងៃអនាគត ប្អូនៗទាំងអស់គឺជាទំពាំងស្នងឬស្សីសម្រាប់ប្រទេសជាតិនិងសង្គមជាតិយើងទាំងមូល។
កម្មវិធីរៀបចំនៅសាលាបឋមសិក្សាកំពង់ភ្លុក ស្ថិតនៅភូមិគោកក្តុល ឃុំកំពង់ភ្លុក ស្រុកប្រាសាទបាគង ខេត្តសៀមរាប ថ្ងៃចន្ទ ទី១៤ ខែកក្កដា ឆ្នាំ២០២៦។សុីណា
