ខេត្តស្វាយរៀង៖ ជនជាតិវៀតណាមដើរលក់ឆ្នោតវៀតណាម នៅតាមរោងការហ្វេ ទីប្រជុំជននានាក្នុងក្រុងស្វាយរៀង និងទីតាំងកន្លែងកត់ឆ្នោតកន្ទុយលេខវៀតណាម ត្រូវបានសមត្ថកិច្ចក្រុងស្វាយរៀងធ្វើការបង្ក្រាបនិងធ្វើកិច្ចសន្យា។បញ្ឈប់ការលក់ឆ្នោតជាបន្តទៀត។
យោងតាមសេចក្តីរាយការណ៍នាពេលកន្លងមក ពាក់ព័ន្ធនឹងសកម្មភាពរបស់សមត្ថកិច្ចក្រុងស្វាយរៀង ក្នុងការចុះបង្ក្រាបជនជាតិវៀតណាមដែលដើរលក់ឆ្នោតដោយខុសច្បាប់និង តែងតែធ្វើការឃាត់ខ្លួនជនជាតិវៀតណាមមួយចំនួន ដែលឆ្លងដែនហើយដើរចរាចរណ៍លក់ឆ្នោតវៀតណាមតាមទីសាធារណៈ ហាងកាហ្វេ និងផ្សារនានា ក្នុងក្រុងស្វាយរៀង។
ក្រោយការឃាត់ខ្លួន សមត្ថកិច្ចបានធ្វើការអប់រំណែនាំ និងធ្វើកិច្ចសន្យាបញ្ឈប់សកម្មភាព។
បញ្ជូនទៅផ្នែកអន្តោប្រវេសន៍ ដើម្បីបណ្តេញចេញពីប្រទេសកម្ពុជា ក្នុងករណីរកឃើញថាគ្មានឯកសារស្នាក់នៅត្រឹមត្រូវ។
