ខេត្តកំពង់ស្ពឺ, កាលពីវេលាម៉ោង ១៤.០០នាទីរសៀល ថ្ងៃទី០៧ ខែវិច្ឆិកា ឆ្នាំ២០២៥ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ អនុប្រធានសហភាពសហព័ន្ធយុវជនកម្ពុជាខេត្តកំពង់ស្ពឺ បានចាត់ឲ្យលោកវរសេនីយ៍ឯក ភូ ឌីសាឌីន មេបញ្ជាការរង ដឹកនាំក្រុមការងារកងរាជអាវុធហត្ថ ព្រមទាំងមានការចូលរួមពីក្រុមការងារ(សសយក)ខេត្តកំពង់ស្ពឺ ចុះសួរសុខទុក្ខប្រជាពលរដ្ឋ ឈ្មោះ យឹម អាត់ ភេទប្រុស អាយុ៧៥ឆ្នាំ បច្ចុប្បន្នរស់នៅភូមិត្រពាំងក្រឡាញ់ ឃុំព្រៃញាតិ ស្រុកគងពិសី ខេត្តកំពង់ស្ពឺ ដែលមាជីវភាពខ្វះខាត និងកំពុងជួបទុក្ខលំបាក ។
លោកវរសេនីយ៍ឯក ភូ ឌីសាឌីន បានពាំនាំនូវពាក្យផាំផ្ញើសួសុខទុក្ខ និងសេចក្តីអាណិតអាសូរពីសំណាក់លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ ចំពោះលោកតា យឹម អាត់ ផងដែរ ក្រោយពីសួសុខទុក្ខ ហើយមើលឃើញពីការលំបាកជាក់ស្តែង លោកឧត្តមសេនីយ៍ត្រី មេបញ្ជាការ បានចាត់ឲ្យក្រុមកាងារ នាំយកនូវថវិកា ព្រមទាំងគ្រឿងឧបភោគ-បរិភោគ មួួយចំនួនប្រគល់ជូនដល់លោកតាផងដែរ ដើម្បីចូលរួមដោះទាល់ក្នុងពេលកំពុងមានតម្រូវការចាំបាច់ ។
