ខេត្តកំពង់ស្ពឺ ៖ ថ្ងៃទី០៤ ខែកញ្ញា ឆ្នាំ ២០២៥ឯកឧត្តម សុខ ប៊ន អ្នកតំណាងរាស្ត្រមណ្ឌល ខេត្តកំពង់ស្ពឺ និងលោកជំទាវ ព្រមទាំងសប្បុរសជន និមន្ត និងអញ្ជើញចុះសួរសុខទុក្ខ នាយនាវី នាយនាវីរង និងពលនាវី នៅបញ្ជាការដ្ឋានការពារកោះ ឆ្នេរ កងទ័ពជើងទឹក ដែលជាអំណោយរបស់ព្រះមុនីសត្ថាចារ្យកោសល កែវ ចន្ថា ព្រះមេគណខេត្តកំពង់ស្ពឺ ជាព្រះគ្រូចៅអធិការ វត្តដំណាក់ត្រាច ព្រមទាំងសប្បុរសជន។
ឆ្លៀតក្នុងឱកាសនោះដែរ ឯកឧត្តម សុខ ប៊ន អ្នកតំណាងរាស្ត្រមណ្ឌល ខេត្តកំពង់ស្ពឺ បានថ្លែងអំណអរគុណដល់ព្រះមុនីសត្ថាចារ្យកោសល កែវ ចន្ថា ព្រះមេគណខេត្តកំពង់ស្ពឺ ជាព្រះគ្រូចៅអធិការ វត្តដំណាក់ត្រាច បានចុះសួរសុខទុក និងនាំអំណោយជាគ្រឿងឧបភោគបរិភោគ ដើម្បីផ្ដល់ជូនដល់មេបញ្ជាការដ្ឋានការពារកោះឆ្នេ កងទ័ពជើងគោក ដើម្បីយកទៅចែកជូនដល់កងទ័ពដែលកំពុងបំពេញភារកិច្ចការពារទឹកដី នៅតាមតំបន់ជើងទឹករបស់យើងមិនឲ្យជនណាម្នាក់មកឈ្លានពានបានឡើយ។
ឯកឧត្តមបានបន្តទៀតថា កងទ័ពជាខឿនការពារជាតិដ៏រឹងមាំមិនអាចខ្វះបាន ក្នុងនាមសម្ព័ន្ធមេត្រីជាមួយកងទ័ព យើងនឹងជួយសហការជាមួយកងទ័ពជួរមុខព្រំដែនតាមបណ្តាកោះជាប្រចាំជានិច្ច ទោះក្នុងកាលៈទេសណាក៏ដោយ ការបង្កើតឱ្យមានការចងសម្ព័ន្ធមេត្រីជាមួយរវាងសមរភូមិមុខ និងសមរភូមិក្រោយនេះ គឺបានមកពីគំនិតផ្តួចផ្តើមដ៏ខ្ពង់ខ្ពស់បំផុតរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងបន្តមកក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា គឺបានគិតគូរយកចិត្តទុក ដាក់ឧបត្ថម្ភគាំទ្រ និងផ្គត់ផ្គង់គ្រប់បែបយ៉ាងដល់ កងទ័ពកម្ពុជាពុំឱ្យមានការខ្វះខាតនោះឡើយ។
ក្នុងឱកាសនោះដែរ ឯកឧត្តម ឧត្តមនាវីឯក ស្រ៊ុន សារឿន មេបញ្ជាការរង កងទ័ពជើងទឹក មេបញ្ជាការ បញ្ជាការដ្ឋានការពារកោះឆ្នេរ បានថ្លែងអំណរគុណ ដល់ឯកឧត្តមអ្នកតំណាងរាស្ត្រមណ្ឌលខេត្តកំពង់ស្ពឺ និងព្រះមុនីសត្ថាចារ្យកោសល កែវ ចន្ថា ព្រះមេគណខេត្តកំពង់ស្ពឺ ព្រមទាំងសម្បុរជន ដែលបានផ្តល់ជាអំណោយគ្រឿង ឧបភោគបរិភោគ សម្ភារៈ និងថវិកា សម្រាប់យកទៅចែកជូនដល់កងទ័ពជើងទឹកដែលនិងកំពុងការពារទឹកដីដែលចោសៀមកំពុងឈ្លានពានទឹកកម្ពុជា នេះសបញ្ជាក់អោយឃើញពីការយកចិត្តទុកដាក់របស់ដឹកនាំតែងតែគិតគូរ និងសួរសុខទុក្ខរបស់កងទ័ព ពិសេសក្រោមការដឹកនាំរបស់សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
សូមបញ្ជាក់ផងដែរថា សម្ភារៈរួមមាន: អង្ករ 50បាវ , មី240 កេស, ទឹកត្រី ទឹកស៊ីអ៉ីវ 180 យួរ ,ត្រីខ 6 កេះធំ ,ទឹកសុទ្ឋ 10 កេះ និង100 យួរ ,ភេសជ្ជៈ 45 កេះ, មុង និង ភួង 30 កញ្ចប់, ក្រម៉ា ២០០ ដែលមានយ័ន្ត, យ័ន្តការពារ 500, កថាចង់ដៃ 450 រួមជាមួយថវិកាសរុប 17 លានរៀល( ដបប្រាំពីរលានរៀល)ផងដែរ ។